Poñémonos en contacto contigo desde a Xunta de Galicia para pedir a túa colaboración nunha iniciativa destinada a dar maior visibilidade ás mulleres profesionais de Galicia.
Todos os días celébranse na nosa comunidade mesas redondas, xornadas técnicas, foros especializados ou fanse entrevistas en medios de comunicación. Para seguir dando pasos adiante en materia de igualdade, precisamos que a voz e a experiencia das mulleres estea máis presente.
Por este motivo, estamos a traballar na creación dun espazo de procura de perfís profesionais especializados en diferentes sectores, concebido como unha ferramenta práctica e aberta para facilitar a localización de mulleres dispostas a participar como poñentes, relatoras ou especialistas nos seus respectivos eidos de traballo.
Para que esta iniciativa represente a diversidade territorial e sectorial de Galicia, agradeceriamos a túa axuda para difundir esta convocatoria entre as mulleres profesionais vinculadas á túa entidade, rede ou ámbito de actuación.
As profesionais interesadas poden inscribirse de maneira voluntaria a través do seguinte formulario:
https://apunta.xunta.gal/gl/
Grazas de antemán pola túa colaboración e implicación nesta iniciativa, que busca ampliar a presenza de mulleres expertas nos espazos públicos e contribuír a unha sociedade máis diversa, plural e representativa.
Por favor, se podedes facer difusión agradecemos que nolo indiquedes para poder reflexar a vosa colaboración no apartado de agradecementos da plataforma resultante.
