Desde a Xunta de Galicia puxemos en marcha o programa Formación Dixital, unha iniciativa de formación online e gratuíta en competencias dixitais intermedias.

Este curso está aberto a toda a cidadanía maior de 14 anos que resida en España, non sendo necesario dispoñer de DNI español (pódese acceder tamén con NIE ou pasaporte).

Ademais, a formación pódese realizar tanto en galego como en castelán, segundo a preferencia de cada persoa.

Que beneficios ofrece o curso?

Mellorar o nivel dixital para acceder con máis facilidade a ofertas de emprego.

Aprender a realizar trámites coa Administración pública sen desprazamentos.

Adquirir competencias en internet e redes sociais de uso seguro e responsable.

Ampliar oportunidades profesionais mediante ferramentas dixitais.

Obter un diploma acreditativo oficial da Xunta de Galicia ao rematar cunha equivalencia de 250 horas e 10 ECTS.

Prepararse para a certificación galega en competencias dixitais (ComDix).

Convidámosvos a difundir esta oportunidade entre as persoas cercanas á vosa organizacións.

Ao final deste correo atópase a ligazón de descarga do cartel do proxecto (para imprimir ou compartir en redes sociais) e do folleto informativo con todos os detalles da formación.

A inscrición é moi sinxela e realízase directamente a través da web:
formaciondixital.gal