O Colexio Oficial de Enfermaría de Pontevedra adhírese á campaña institucional de información á poboación sobre as medidas preventivas e normas básicas que todos debemos coñecer e respectar para facer fronte á pandemia provocada polo Covid-19.
Desde mediados do mes de marzo tivemos que cambiar as nosas rutinas vitais e adaptarnos a unha limitación dos nosos movementos, coa conseguinte paralización da vida social, cultural e de gran parte da actividade económica e comercial do país.
Sufrimos graves perdas en termos de vidas humanas e sufrimento persoal, o sistema sanitario e os nosos profesionais estiveron sometidos a fortes tensións, e as repercusión en postos de traballo e económicas son cuantiosas. Todos os días hai persoas que enferman, e tamén todos os días temos que lamentar a perda das vida das que falecen.
Con este confinamento conseguimos frear o ascenso da curva epidémica e que os novos casos comezaran a diminuír desde os primeiros día do mes de abril. Os profesionais do sistema sanitario, tras unha resposta extraordinaria, poden comezar a recuperar a normalidade. Puidemos así retomar algunha actividade laboral, que os menores comezaran a saír das nosas casas, e mais recentemente, desde o día 11, que acadaramos a denominada fase I.
Nesta nova fase aumentou a liberdade de movementos, e as posibilidades de ver a amigos próximos e familiares, coa posibilidade de sentarnos nunha terraza dun establecemento hostaleiro, de facer algunhas compras no pequeno comercio, de movernos pola nosa provincia.
Pero non podemos esquecer que a pandemia non rematou, que a transmisión do virus segue aí. Que non dispoñemos de tratamentos definitivos nin dunha vacina para facerlle fronte. O mais importante agora é mellorar o xa acadado, conter a transmisión, evitar un novo brote.
Para iso é imprescindible que todos e cada un sexamos responsables e solidarios. As forzas de orden público, e os propietarios de comercios e hostalería teñen un papel esencial, pero non poden ser os únicos que velen polo cumprimento das normas que protexen a saúde pública, a de toda a sociedade.
Todos temos a obriga de cumprir as normas, e de contribuír á recuperación da normalización sanitaria, social e económica. Non podemos esquecer que somos susceptibles de infectarnos, de enfermar, e de transmitir a infección aos demais, con todas as consecuencias que xa vimos que implica.
Para evitalo, para continuar avanzando, teñamos sempre presente que:
- Se temos febre, tos ou dificultade respiratoria: Non saiamos da casa, poñerse en contacto co centro de saúde ou co 900 400 116
- Os virus pódense transmitir en ausencia de síntomas, polo que todos debemos manter a distancia de seguridade de 2 metros, e usar máscara cando isto non sexa posible.
- Se toses ou esbirras e non levas máscara, utiliza un pano desbotable ou faino sobre o cóvado flexionado
- Lavar frecuentemente as mans con auga e xabón ou solución desinfectante. Evitar tocar a boca, nariz ou ollos despois de estar en contacto con superficies potencialmente contaminadas.
Sexamos responsables e solidarios, coidemos dos demais e de nós mesmos. Saiamos disto con sentidiño.
El Boletín Oficial del Estado publica hoy los acuerdos de la Comisión Interministerial de Precios de los Medicamentos para garantizar el acceso de la población a los productos de uso recomendados como medidas higiénicas para la prevención de contagios por el Covid-19. Esta publicación se suma a la ya emitida el pasado domingo en la que se recogen las condiciones para la apertura al público de determinados comercios y servicios, la apertura de archivos, así como la práctica de deporte profesional y federado. Ambas publicaciones están en concordancia con las denominadas 
En todos los casos solo se podrá hacer una salida al día.
INFOGRAFÍA:
El Servicio Gallego de Salud ha comenzado hoy la primera de las dos oleadas, la siguiente se iniciará en 4 semanas, de test que conformarán el estudio epidemiológico diseñado por la Xunta de Galicia para definir la dimensión real de la epidemia de Covid-19.